“Mahal Kong Ama't Ina” Ni: Jonnah Mae Tuades

Ang buhay ko ay puno ng karanasan

Mula pagkabata hanggang sa lumaki

Ngunit nagpapasalamat pa rin ako

Dahil nakakaya ko paring harapin

Hanggad ay maayos na kinabukasan

Para sa hinaharap ay di maghirap

Maaaring matupad ko ito lahat

Kung maglalaan ako ng tamang oras

Buhay ko'y wala pang kasiguraduhan

Kaya nga ngayon pinagsisikapan

Sa diyos, ako'y humihingi ng gabay

Para sa aking mahabang paglalakbay

Aking ama't ina, salamat sa lahat

Dahil sa inyo ako'y nakapag-aral

Gagawin lahat mapabuti lang kayo

Nang ako naman ang tutulong sa inyo

At sa aking matiyagang ama't ina

Salamat sa matiyagang sakripisyo

At sa inyong walang sawang pagmamahal

Utang ko ang aking buong buhay sa inyo