Unang araw kang nakita
Hawak mo ay gitara
Puso'y tumalon sa saya
Nang simulan ang pagkanta
Balhibo'y tumayong bigla
Sa hindi inaakala
Mata'y natunaw na pala
Natigil rin ang paghinga
Bawat tugtog ng gitara
Bawat mensahe ng kanta
Makikita sa'yong mata
Ang saya na nadarama
Labis ang aking paghanga
Paghanga sa kung ano ka
Pati na rin sa musika
Na alay mo sa May-likha
Masaya pag nakita ka
Mansanas ng aking mata
Boses sing tamis ng mangga
Abot sa ulap ang saya
Dinggin mo'ng bulong ng mata
Wala kang katulad sa iba
Ang mala-anghel mong mukha
Sa isip di mawawala
Kahit biro ng tadhana 'Di pipigil sa nadama Hay nako, ewan ko nga ba, Paghanga? O pag-ibig na?
Comments