"PANGARAP " Ni Jay Ann Galacio

Masama bang ako'y mag-ilusyon? Pangarap ko'y ikaw ay makamtan Kapag ikaw ay nasisilayan Ang puso ko'y parang dinuduyan

Isang araw, napansin mo ako Para akong nanalo ng lotto Ika'y nagpakilala sa akin At tayo'y naging magkaibigan

Araw-araw kitang nakikita Madalas din tayong magkasama Dulot sa ating pagkakaibigan Ito'y nauwi sa pag-iibigan

Sobrang saya ng ating relasyon Pagmamahal ay ating pundasyon Madalas ay ako'y iyong sinusorpresa Pero pagmamahal mo'y sapat na

Araw,buwan,taon ay lumipas Ang pag-ibig mo'y biglang kumupas Bakit ba ako ay apektado? Dahil ba puso natin konektado?

Tanggap ko ang aking pagkatalo Nang minsa'y pansin mo ako'y nanalo Kahit kapalit ay masaklap Salamat at ika'y pinangarap.